TÍA MANUELA

Mestre de mestres

Luís Celeiro

21/06/2017

Estudou Filoloxía en Santiago de Compostela e, dende aquela “época inesquecible de estudante”, ao longo de máis de corenta anos, dedicouse a aprender, a formarse e a transmitir coñecemento, para “devolverlle á sociedade algo do que me dera”. Anxo Tarrío Varela foi nomeado en moitas ocasións “mestre de mestres”, sempre por unanimidade e coa confianza absoluta de quen o coñece. Tan meritorio nomeamento foi ratificado, recentemente, nunha homenaxe promovida polo Centro Ramón Piñeiro para a Investigación en Humanidades, no que desenvolveu labores importantes como científico, ao longo de moitos anos.

Aprobou as oposicións para mestre nacional e despois opositou para a Universidade. Primeiro estivo en Lugo, despois en Vigo e logo en Santiago, como catedrático estimado, valorado e admirado polos estudantes, investigadores e compañeiros. Como di a Tía Manuela, lembrando a Mario Benedetti, o profesor Tarrío tamén é de boa madeira. É un sabio cargado de humanidade e bonhomía, un dos “bos e xenerosos” de Eduardo Pondal e da Galicia mundial.

O reitor Viaño Rey, os secretarios xerais de Política Lingüística e Cultura, Valentín García e Anxo Lorenzo, respectivamente; o Coordinador Científico do Centro Ramón Piñeiro, Manuel González, e o secretario deste mesmo Centro, Armando Requeixo; escritores, narradores, poetas, filólogos, críticos literarios, editores, escultores, pintores e xornalistas, xunto coa decana da facultade de Filoloxía e os directores dos departamentos que teñen docencia no centro, e outros ilustres e ilustrísimos integrantes do cadro de persoal docente das universidades galegas, compartiron loas ao profesor, as que principiaron os seus compañeiros de carreira e traballo, Darío Villanueva e Víctor Fernández Freixanes.

Rendéronlle homenaxe todos. Non cabía unha agulla, aquel salón de San Roque estaba ateigado con Autoridades, académicos, universitarios de arriba e de abaixo, compañeiros desprazados dende lugares dos catro puntos cardinais, homes e mulleres que cren e fían no traballo de Anxo Tarrio Varela, no feito e no que fará na nova etapa, nesta que comeza como xubilado e na que os discípulos van esixirlle continuidade na súa acción, como sementador de coñecemento mesto, de acougo,  harmonía e sosego.

Artigo publicado en:

El Progreso (20/06/17)
Dirio de Pontevedra (20/06/17)
La Región (21/06/17)
El Correo Gallego (21/06/17)

Artigos publicados anteriormente:

99). Mestre de mestres (21/06/17)
98). Tarefa común (14/06/17)
97). Os costumes (07/06/17)
96). A patria dos humildes (31/05/17)
95). Galicia Toda (24/05/17)
94). Cereixas para todos (17/05/17)
93). Veñen con forza (10/05/17)
92). Primarias, que máis dá? (03/05/17)
91). Sequidade, ben e mal (26/04/17)
90). Liñas paralelas (19/04/17)
89). Cada ollal co seu botón (12/04/17)
88). Viridiana xemía (05/04/17)
87). A luz da esperanza (29/03/17)
86). Viva a memoria! (22/03/17)
85). Patacas para todos (15/03/17)
84). Son todos iguais? (08/03/17)
83). Cantoras das verdades (01/03/17)
82). Por que? (22/02/17)
81). Fermín, a bondade (15/02/17)
80). Esquecemento (08/02/17)
79). Vázquez Queipo (01/02/17)
78). Menos de 7 anos (24/01/17)
77). A Academia (18/01/17)
76). Vaia por Deus! (11/01/17)
75). Venturoso 2017! (04/01/17)

Anos 2016 e 2015