Luís Loureira

SECCIÓNS

INICIO

O ESCULTOR

NOVAS

HEMEROTECA

GALERÍA

LIGAZÓNS

CONTACTAR


A Peneira dos Soños
Escultura conmemorativa do premio literario Biblos-Pazos de Galicia

TÍA MANUELA

Vontade e traballo

Luís Celeiro

12/07/2017


Primeiro, nada. Despois foi a Selectividade, as PAU, e agora, cando poucos se lembran do PREU e do COU, chámase ABAU. Enormes cambios de nome sen máis, procurando sempre darlles a razón a aqueles que queren volver ao principio, que interpretan que era o mellor, o desexado para darlle brío ao futuro e brillo ao presente. Chámase ABAU, pero a maioría dos estudantes seguen entendendo que se trata da selectividade de sempre. Tamén o entenden así os pais, os profesores, os examinadores, correctores das distintas materias e todas as persoas que saben que se trata da “avaliación do Bacharelato para o acceso á Universidade”.

Milleiros de mozos e mozas participan, cada ano, neste proceso selectivo que acaba case sempre con éxito e, naturalmente, o triunfo dos estudantes é o triunfo da sociedade. Na convocatoria deste ano en Galicia foron uns 10.500, algo menos das prazas que se ofertan para comezar estudos no Sistema Universitario Galego. Cando se cualifica e se verifica o traballo do estudantado, estase cualificando á sociedade enteira, integrada por individuos implicados, dunha ou doutra maneira, nos procesos educativo e formativo.  

Milleiros de estudantes están agora nas portas da universidade, para comezar no vindeiro mes de setembro estudos de grao, e todos eles deben ser sabedores (seguro que o son) de que, como dicía Eric Hoffer, escritor e filósofo americano, “en tempos de cambio, as persoas que estean abertas á aprendizaxe serán donas do futuro, mentres aquelas que pensen que o saben todo estarán ben equipadas para un mundo que xa non existe”. 

Vontade, forza e traballo para dominar tantas malditas siglas. Aínda sabendo que o corenta por cento da  ABAU é a nota do bacharelato, fora cal fose o centro de estudo, público ou de pago, cómpre un enorme esforzo para entender que cun dez non podes escoller carreira. A Tía Manuela ben que lles dicía aos seu veciños: nenos, estudade, traballade con forza, tede vontade e firmeza que o futuro é difícil, incerto e, para quen o ignora, peor.  Quen puidera darlle un consello a cada un destes principiantes na Universidade!, para recordar e valorar aquilo de Einstein, cando afirmaba que a vontade é a forza motriz máis grande das coñecidas.

Artigo publicado en:

El Progreso (11/07/17) 

Diario de Pontevedra (11/07/17)
 
La Región (12/07/17)
El Correo Gallego (12/07/17)

Artigos publicados anteriormente: 

102). Vontade e traballo (12/07/17) 
101). Pensar e traballar (05/07/17)
100). Tarabelo 
(28/06/17)

99). Mestre de mestres (21/06/17) 
98). Tarefa común (14/06/17) 
97). Os costumes (07/06/17)
96). A patria dos humildes (31/05/17) 
95). Galicia Toda (24/05/17) 
94). Cereixas para todos (17/05/17) 
93). Veñen con forza (10/05/17)
92). Primarias, que máis dá? (03/05/17) 
91). Sequidade, ben e mal (26/04/17)

90). Liñas paralelas (19/04/17)

89). Cada ollal co seu botón (12/04/17) 

88). Viridiana xemía (05/04/17)

87
). 
A luz da esperanza (29/03/17)

86). Viva a memoria! (22/03/17) 
85). Patacas para todos (15/03/17)
84). Son todos iguais? (08/03/17) 
83). Cantoras das verdades (01/03/17) 
82). Por que? (22/02/17)
81). Fermín, a bondade (15/02/17) 
80). Esquecemento (08/02/17) 
79). Vázquez Queipo (01/02/17)
78). Menos de 7 anos (24/01/17) 
77). A Academia (18/01/17) 
76). Vaia por Deus! (11/01/17) 
75). Venturoso 2017! (04/01/17) 

Anos 2016 e 2015

Luís Loureira - l.loureira@luisloureira.eu