A Asociación de Xornalistas e Estudosos do Camiño de Santiago (APECSA), formada por profesionais da comunicación, escritores, historiadores e estudosos do Camiño de Santiago, convoca a Sexta edición do `Premio Internacional APECSA 2017´, de divulgación dos valores do Camiño de Santiago, ao que, nesta edición, poderán presentarse obras de divulgación e promoción xacobea -libros, publicacións, traducións, producións audiovisuais, series en calquera soporte, congresos, xornadas, encontros, etc.- Tamén poderán presentarse accións realizadas por institucións e persoas físicas ou xurídicas, en defensa e beneficio do Xacobeo e do Camiño de Santiago.
Esta edición está dedicada ao Xacobeo 93, tratando de realzar a súa importancia na promoción do Camiño de Santiago, no mantemento do mesmo e na difusión dos valores xacobeos, así como dos pobos e lugares polos que pasa o Camiño de Santiago. O premio, igual que nas cinco edicións anteriores, non terá dotación económica e consistirá nunha escultura, Harmonía de Luís Loureira, e un diploma acreditativo.
O prazo de presentación de candidaturas para o Premio concluirá o día 10 de setembro de 2018 e deberán dirixirse ao seguinte enderezo: Asociación de Periodistas e Estudosos do Camiño de Santiago (APECSA), Rúa Castrón Douro, nº 20. 15703 Santiago de Compostela. Os interesados poden solicitar máis información a través do correo electrónico da Asociación convocante: periodistas.caminodesantiago@gmail.com Os membros do Xurado, unha vez constituído e antes de comezar as deliberación, poderán presentar candidaturas. O acto de entrega do Premio realizarase no último trimestre deste ano.
O xurado estará formado por 5 persoas de recoñecida traxectoria. Dous membros corresponderán a APECSA e serán designados pola súa xunta directiva, e os tres restantes representarán ás asociacións ou colexios de xornalistas, ao mundo da hostalería e o comercio vinculados ao Camiño, e ás entidades xacobeas (asociacións, institucións, etc.).
Para ler as BASES, prema AQUÍ |
